म्हारे तेजल री असवारी लिलन घोड़ी सोवे - भजन (Mhare Tejal Ri Asawari Lilan Ghodi Sove Lyrics)

म्हारे तेजल री असवारी,
लिलन घोड़ी सोवे,
हो लिलन छम छम करती जावे,
बागा में डोले॥

सावन भादवो लागो,
काली बादली गाजे,
काली कोयलिया गावे,
सागे मोरिया नाचे,
हो लिलन छम छम करती जावे,
बागा में डोले॥

मईया तेजल ने समझावे,
मीठा बोल बोले,
तेजल खेता में जाके,
बैटा बाजरों बोले,
हो लिलन छम छम करती जावे,
बागा में डोले॥

तेजल खेता में जायर,
मोठ बाजरी बिजया,
होई सांवरिया री कृपा,
बठे मोतीडा निपजया,
हो लिलन छम छम करती जावे,
बागा में डोले॥

आज सारों यो संसार म्हारे,
तेजल ने मानवे,
तेजल थेई लगावो पार,
उदमी बाघेला गावे,
हो लिलन छम छम करती जावे,
बागा में डोले॥

म्हारे तेजल री असवारी,
लिलन घोड़ी सोवे,
हो लिलन छम छम करती जावे,
बागा में डोले॥