मैं इंतजार में बैठा री - माता गीत (Main Intezar Me Baitha Ri Lyrics)

मेरी अम्बे माँ जगदम्बे माँ,
मैं तेरा लाडला री बेटा,
तू भवनां में के टोहवे से,
मैं इंतजार में बैठा री,
तू कदसी दर्शन देवेगी,
मैं इंतजार में यो बैठा।।

मात तेरी या शेर सवारी,
लागे सब ते न्यारी सै,
भक्तों के तू कष्ट मिटाती,
करती वारे न्यारी सै,
तू पल में काटे दुखड़े री,
चाहे संकट हो री यो डेठा,
तू कदसी दर्शन देवेगी,
मैं इंतजार में यो बैठा।।

नाम तेरा यो लेके री,
मैं गुण ये तेरे गाता हूँ,
महिमा तेरी भारी सै,
मै दर्शन करने आता हूँ,
तू भव ते पार लगादे सै री,
बीच भँवर में जो बैठा,
तू कदसी दर्शन देवेगी,
मैं इंतजार में यो बैठा।।

नौ दिन तेरे व्रत करूँगा,
दे दे आशीर्वाद री,
दर्शन तेरे करके ने,
मेरे सिद्ध हो ज्यांगे काज री,
तेरी सेवा करना री यो,
सबके भाग में ना होता,
तू कदसी दर्शन देवेगी,
मैं इंतजार में यो बैठा।।

भीम शर्मा पेटवाडिए पे,
भजन लिखा के ल्याऊँगा,
माता तेरा कीर्तन कराऊँ,
ईब ए फोन मिलाऊँ गा,
मेरे मन की करदे चाही री,
तन्ने हाथ शीश पे ना टेका,
तू कदसी दर्शन देवेगी,
मैं इंतजार में यो बैठा।।

मेरी अम्बे माँ जगदम्बे माँ,
मैं तेरा लाडला री बेटा,
तू भवनां में के टोहवे से,
मैं इंतजार में बैठा री,
तू कदसी दर्शन देवेगी,
मैं इंतजार में यो बैठा।।